ജി.എസ്.ടി.യു. അമ്പലപ്പുഴ, ഹരിപ്പാട് ഉപജില്ലകളുടെ ആഭിമുഖ്യത്തില്‍ നടത്തിയ യാത്രയയപ്പു സമ്മേളനം മുന്‍ സംസ്ഥാന സെക്രട്ടറി സി.വിജയന്‍ ഉദ്ഘാടനം ചെയ്തു. ഹരിപ്പാട് ഉപജില്ലാ പ്രസിഡന്റ് കെ.എന്‍.രഞ്ചന അധ്യക്ഷത വഹിച്ച യോഗത്തില്‍ വെച്ച് വിരമിക്കുന്ന അംഗങ്ങള്‍ക്ക് സംഘടന നല്‍കിയ ഉപഹാരങ്ങള്‍ ജില്ലാ സെക്രട്ടറി പി.എ.ജോണ്‍ ബോസ്കോ വിതരണം ചെയ്തു. മാതൃഭൂമി സീഡ് ഏറ്റവും നല്ല സ്കൂള്‍ കോര്‍ഡിനേറ്ററായി തെരഞ്ഞെടുക്കപ്പെട്ട നങ്ങ്യാര്‍കുളങ്ങര ഗവ.യു.പി.എസിലെ കെ.രാജശ്രീയെ സമ്മേളനത്തില്‍ ആദരിച്ചു. സംസ്ഥാന എക്സിക്യൂട്ടീവ് അംഗം കെ.ജയവിക്രമന്‍, ജില്ലാ വൈസ് പ്രസിഡന്റ് ഉമ്മര്‍കുഞ്ഞ്, പെന്‍ഷണേഴ്സ് അസോസിയേഷന്‍ നിയോജക മണ്ഡലം സെക്രട്ടറി ലക്ഷ്മണന്‍ പിള്ള എന്നിവര്‍ ആശംസകള്‍ നേര്‍ന്നു. വിരമിക്കുന്ന അധ്യാപികമാരായ കെ.കനകാംബിക, എന്‍.മണിയമ്മ, പി.ഡി.രാധാമണിയമ്മ എന്നിവര്‍ മറുപടി പ്രസംഗങ്ങള്‍ നടത്തി.
No comments:
Post a Comment